منتدى أم ضوابان

نحن قوم لاتوسط بيننا لنا الصدر دون العالمين او القبر
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول
السلام عليكم ورحمة الله تم فتح الموقع الجديد و المنتدى على الرابط التاليhttp://www.umdoban.com/vb

شاطر | 
 

 قصيدة عن الغربة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الطيب حسن الشيخ احمد
زول نشيط
زول نشيط
avatar

المساهمات : 57
تاريخ التسجيل : 04/01/2008
العمر : 40

مُساهمةموضوع: قصيدة عن الغربة   الثلاثاء فبراير 05, 2008 10:22 am

يا غربة يا بكايه ياغشاشه يامستهبله
تغرينا بي درهم قروش ووراه قنطار بهدله
جيناك نقعد بس سنة وحاجاتنا ناقصه نكمله
نبني البيوت في العاصمه ونفرش أساسها نجمله
وكرولا حاره نرسلها أصله النقل صار مشكله
ونكمل الدين بمهله والسمحه جاهزه نحصله
غير القروش اللى الأهل عبر الشهور حأرسله
والباقي يدخل في البنوك ونشوف دباره نشغله
ناس فكرت تجنى العلم وتبدأ الدراسه تواصله
أحلام كثيره وشيقه وآمال كبيرة مدنكله
لكن حساباتنا الغلط في كل عام بنرحله
مرت سنين من الصبر ...............وبنفضله
والحسبة وصلت طاشرات أمكن نعيش ونبدله
وتعال نحاسبك ياوهم من غير رقم أو أسئلة
كان للقروش نجري ونحوش لكن تقول بنشاكله
ماراضية تقعد في الجيوب وتقول حرامي بينشله
لكن بترقد في الضهور بي ديون ثقيله مطوله
ممحوقة مابتقضي الغرض وأقل حاجه تكمله
كملانة بطحاء وحق وزن ومجاملات مستعجله
وضرائب أبوعاج المشي والزامي حمدي نحوله
وأحلامنا ديك صبحت سراب نمشي ونجري مانحصله
ياريت يكون هم القروش ياغربة فيك المعضلة
لكن تعال شوف الهموم الما أفتكرنا نقابله
ذلة ومهانة وإحتقار خلو النفوس متململه
سجنا كبير فيه الكفيل سجان قيوده مكبله
أشغاله شاقة مؤبدة ودائماَ تكون مستعجلة
مرض الضغط والسكري ومرض القلب ووجع الكلي
مصران وقرحة وإكتئاب ونفوسنا ما متحمله
وبقينا كيمان لحم تحت الهدوم متندله
وأكيد يكون أكل المعلب والمجمد عامله
وعدم الرياضة والكندشة لابد يكون ليهم صله
وكمان تعال للمعادلة الماقدرنا أصلاَ نعدله
سجن العيال جوه الشقق ولافراق العائله
جيب العيال فيه لمخاطر وجيوبنا غيره مميله
وصغارنا صبحت بالزهج متوحشة ومتجفله
لا قادرة تدرس بي نفس من الدروس المذهله
تلقي الولد غالبه الكلام والبت كبيرة مريله
كل الضغوط جاتهم سوا ماقدرنا حتى نقلله
في كل ظرف تلقي القرف تلقى الخيوط متشابكه
أما الفراق أصل الوجع ومشاكله بايته مقيله
والفراق عارفين مشاكله ومافي داعي نفصله
ياغربة أديناك كثير أدينا خاطرك يسهله
خلينا نرجع بالفضل نلحق حياتنا نعدله
آمالنا فيك بدري أتنست إلا الرجول مترحله
وبقينا زي أهل القبور لا البره عارف يدخله
ولا الجوه يرجع لى وراه يحكى الحقيقة يوصله
لكن خلاص هان الخلاص عدك نزل مهما علا
وإنشاء الله نحيا نودعك وتكوني ذكرى نغازله
يا غربه يا بكاية يا غشاشة يا مستهبله

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abuali2008.maktoobblog.com/
aminnor
زول فعال
زول فعال
avatar

المساهمات : 121
تاريخ التسجيل : 11/12/2007
العمر : 35

مُساهمةموضوع: رد: قصيدة عن الغربة   الثلاثاء فبراير 05, 2008 10:37 pm

بالجد باجد
قصيده اروع من رائعه يا حسن
ومنتظرين المذيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسن الطيب حسن الشيخ احمد
زول نشيط
زول نشيط
avatar

المساهمات : 57
تاريخ التسجيل : 04/01/2008
العمر : 40

مُساهمةموضوع: رد: قصيدة عن الغربة   السبت فبراير 09, 2008 2:06 am

مشكور الاخ أمين على مرورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abuali2008.maktoobblog.com/
omerelkashef
زول فعال
زول فعال
avatar

المساهمات : 105
تاريخ التسجيل : 11/12/2007

مُساهمةموضوع: رد: قصيدة عن الغربة   الجمعة فبراير 15, 2008 2:50 pm

والله لوكانت من كلماتك فاقول ليك بالجد ابدعت
وكلنا مكتوين من نار الغربة بس الحمد لله نحن هنا مابنعرف حاجة اسمها كفيل
بس بالجد حساب السنين صحيح مليون في المية واي واحد أغترب كان في حساباتو سنه سنتين أوبالكتير 3 بس لما تعدي التلاته سنه بيكون هو مردوم ديون في غربتو وفي سودانه فيضطر يلحقا الرابعة بعد الرابعة لوكفي دينو بيفكر في راس مال لاي مشروع وهلمجرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسن الطيب حسن الشيخ احمد
زول نشيط
زول نشيط
avatar

المساهمات : 57
تاريخ التسجيل : 04/01/2008
العمر : 40

مُساهمةموضوع: رد: قصيدة عن الغربة   السبت فبراير 23, 2008 10:47 pm

القصيدة منقولة من احدى المنتديات ولكنها تمثل حال كل مغترب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abuali2008.maktoobblog.com/
hajali



المساهمات : 41
تاريخ التسجيل : 23/02/2008
العمر : 39

مُساهمةموضوع: رد: قصيدة عن الغربة   الأحد فبراير 24, 2008 2:51 am

يديك العافية اخي حسن
قصيدة رائعة جدا
بالجد دا حال الغربة وانا واحد من ضحاياها احمد الله
نصيحتي لكل الشباب يفكرو مليون مرة قبل ما يغتربو
و المغتربين اتمنى ان يحافظو علي نفسهم وعاداتهم وتقاليدهم
و الاهم من كدة انهم هناك يكونو يد واحدة حتى والو يفرقو عن نفسهم شوية من الروتين اليومي الممل جدا
تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسن الطيب حسن الشيخ احمد
زول نشيط
زول نشيط
avatar

المساهمات : 57
تاريخ التسجيل : 04/01/2008
العمر : 40

مُساهمةموضوع: رد: قصيدة عن الغربة   الأحد فبراير 24, 2008 6:39 am

مشكور اخونا حاج علي على مرورك فياريت لو نتعرف عليك اكثر من خلال واحة التعارف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abuali2008.maktoobblog.com/
hajali



المساهمات : 41
تاريخ التسجيل : 23/02/2008
العمر : 39

مُساهمةموضوع: رد: قصيدة عن الغربة   الأحد فبراير 24, 2008 11:26 am

تحياتي اخي حسن
بحثت عن واحة التعارف بالمنتدى ولم اجدها وياريت تكون واحة عامرة بالجد وتكون لينا نحن بالذات صلة رحم ومعرفة بكل اهلنا البنعرفهم والما لاقيناهم قبل كدة
ودي مناسبة جميلة, انو يكون في اقتراح بان تتعارف كل العضوية مع بعض عن طريق الواحة
علي الصديق محمد الصديق الخليفة احمد بدر
حاج علي
قطر / الدوحة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة عن الغربة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أم ضوابان :: المنتدى الثقافي-
انتقل الى: